Хүн болгон л вирустдэг энэ тэр гээд хөөрхий 15 жил гаруй хэрэглэж ирсэн Windows-г маань муулах гээд, Linux их сайн гээд л байхын. Мэдээж ор үндэсгүй ч юм биш л дээ. Тэглээ гээд хэрэглэхэд маш хялбар, төрөл бүрийн програм бэлэн байдаг Windows маань хамгийн түгээмэл систем хэвээрээ л байна, байх ч биз. Бид өмнө нь вирусээ хэрхэн устгах талаар бичиж байсныг та бүхэн манай вэбсайтаас хайгаад олох бизээ. Харин хамгаалах талаар бага зэрэг шинэ мэдээлэл бичлээ.

Вирусны програмуудыг шалгаж үнэлэлт өгдөг www.AV-Comparatives.org багийнхны шалгаснаар MSE нь үнэгүй хирнээ зах зээл дээр байсан арилжааны олон системүүдтэй адил өндөр түвшинд хамгаалахын зэрэгцээ вирус, хорт вирусыг сайн олж илрүүлэн устгаж чадсан байна. Та өөрийн Windows үйлдлийн системд зориулан http://www.microsoft.com/Security_Essentials хаягаас татан авч суулгаарай.

Avast! Home Edition 4.8 хувилбар нь үнэгүй, маш хамгаалдаг байсан бөгөөд шинээр гарсан Avast! Free Antivirus 5 хувилбар нь өмнөхөөс илүү хурдан ажиллагаатай болсноос гадна spyware буюу хорт вирусээс байнгын хамгаалалттай болжээ. Та энэ програмыг http://www.avast.com хаягаар ороод үнэгүй татан авах бөгөөд өөрийн и-мэйл хаягаар бүртгүүлэн 1 жилийн эрхийг үнэгүй авдаг.

За тэгэхээр дээрх хоёр програмыг суулгачихсан байхад Kaspersky, BitDefender зэргийг худалдан авалгүйгээр дажгүй хамгаалалт болж чадах бөгөөд хамгийн сайн хамгаалалт бол вирустэй вэбсайтууд эсвэл файлуудтай харьцах таны өөрийн үйлдлүүд юм. Мөн байнга програмаа интернетээр шинэчлэн, долоо хоног тутам шалгаж заншвал сайн хамгаалж чадна.

Энэ талаар бид өмнө нь дараахи хичээлүүдийг бэлдсэн бөгөөд эдгээртэй танилцан SuperAntiSpyware болон MalwareBytes AntiSpyware програмуудаар долоо хоног тутам та өөрөө ажиллуулан шалгаж байхыг зөвлөж байна.

Та бүхэнд амжилт хүсье.