Symantec корпорацийн гаргасан судалгаанаас үзвэл вирусээр халдварлагдан, гадагшаа спам и-мэйл түгээгч компьютеруудын тоо сүүлийн сард огцом өсчээ. Тус компаниас гаргасан судалгааны (PDF) дараахан MessageLabs-н гаргасан судалгаа дээрх үр дүнг баталсан байна.

Өнгөрсөн 6, 7-р саруудад харьцангуй тогтвортой байсан энэ үзүүлэлт 8 сард 37 хувиар буурсан юм. Тэгвэл энэ тоо 9-р сард 101 хувиар өссөн бөгөөд Өмнөд Солонгост хамгийн их буюу 4236 хувиар өсчээ. Түүний дараагаар Казакстан (761%), Румынь (607%), Саудын Араб (555%) болон Вьетнам (540%) улсууд оржээ.

Ингэж огцом нэмэгдэх болсон олон шалтгаан байж болох бөгөөд Symantec-н үзэж байгаагаар CNN, MSNBC гэх мэт агентлагаас ирсэн сүүлийн үеийн мэдээ шиг хуурамч и-мэйлүүд ихэссэнтэй холбоотой гэжээ. Монголд иймэрхүү аюулгүй байдлын асуудал нилээн ноцтой бөгөөд ялангуяа флаш дискээр дамждаг вирус маш түгээмэл байгаа нь сэтгэл түгшээж байна.