2008 онд нээгдээд удаагүй байгаа Мэдээллийн Технологийн Танин Мэдэхүйн Төв буюу IT ShowRoom нь та бүхнийг энэ 2009 оны 6-р сарын 1-нд хүрэлцэн ирэхийг урьж байна. Та найз нөхөд, хүүхдүүдтэйгээ очиж Мэдээллийн технологийн дэвшилтэт технологиудын ололт амжилттай танилцаж чөлөөт цагаа зөв боловсон өнгөрөөгөөрэй. Ингээд та бүхэнд товч сонирхуулах үүднээс өнөөдрийн сурвалжлагаа бэлдлээ. Мэдээж та боломжоороо очоод үзвэл илүү сонирхолтой байх болно.

Мэдээллийн Технологийн Танин Мэдэхүйн Төв нь 2008 оны 5-р сарын 7-ний өдөр Мэдээлэл, Харилцаа Холбоо, Технологийн Газар (www.icta.gov.mn)-ын санаачлагаар Мобиком корпораци (www.mobicom.mn)-ийн дэмжлэгтэйгээр нээгдсэн билээ. Мэдээллийн Технологийн Үндэсний Парк (www.itpark.mn)-ын урд жигүүрт байрладаг бөгөөд ажлын өдрүүдэд өглөө 9 цагаас орой 18 цаг хүртэл ажилладаг юм. Томчууд төдийгүй хүүхдүүдэд ч их сонирхолтой учир гэр бүлээрээ хүрэлцэн ирж үзвэл хөгжилтэй сайхан аялал болох болно.

Том хүн үзэхэд 1000₮, хүүхэд ердөө 500₮ бөгөөд энэ зуны амралтаараа анги, хамт олноороо зочилж болохоос гадна төрөл бүрийн арга хэмжээ зохион байгуулахад тохиромжтой санагдсан.