| Хамгийн сайн и-мэйлийн програмууд |
 |
| Шинэ мэдээ, мэдээлэл - Интернет |
| Бичсэн Алтансүх |
| 2010 оны 1-р сарын 26, Мягмар гариг, 10:03 |
 И-мэйл бидний өдөр тутмын хэрэглээ болоод удаж байгаа бөгөөд и-мэйлийг хүн болгон харилцан адилгүй ашигладаг. Албан ажилдаа, хувийн хэрэгцээнд, хааяа алс газар холбоо барихад эсвэл бүүр хэрэглэдэггүй хүн ч бас байна. Бидний хэрэглэж ирсэн и-мэйлийн програмуудаас хүмүүсийн хамгийн түгээмэл хэрэглэдэг таван програмыг энд бичлээ.1. Microsoft Outlook (Windows/Office-той хамт $299)http://www.microsoft.com/outlook Outlook нь аль 1990-ээд оноос хөгжин өдий хүрсэн бөгөөд бизнесийн байгууллагуудад түгээмэл хэрэглээ болсон гол шалтгаан нь багаар ажиллах нөхцлийг сайн бүрдүүлж, Windows сервертэй нягт уялдаатай ажиллаж чаддагт байдаг билээ. И-мэйл хүлээн авах, бичих, зохион байгуулах, хайхад тохиромжтой бөгөөд хуанли, цагийн хуваарь, ажлын тэмдэглэл, уулзалт төлөвлөх, тэмдэглэлийн дэвтэр гээд болон төрлийн зүйлсийг хийхэд танд тусална.
 2. Apple Mail (Mac/Үнэгүй)Apple Mail, Mail.app эсвэл зүгээр л Mail гэж нэрлэгдсэн энэхүү програм нь MacOS үйлдлийн системийн Mail, iCal хуанли, Address Book хаягийн дэвтэртэй хамт ажилладаг энгийн програм хэдий ч төрөл бүрийн серверээс и-мэйл хүлээн авах боломжтой сайн програм юм. Нөгөө 2 програмтайгаа хослон харилцан мэдээллээ солилцон ажилладаг юм.
 3. Mozilla Thunderbird (Windows, Mac, Linux/Үнэгүй)Firefox-г гаргадаг Mozilla сангийн өөр нэгэн чухал нээлттэй эхийн програм бол Thunderbird билээ. Firefox-н нэгэн адил олон янзын нэмэлт суулган үйл ажиллагааг нь өргөжүүлж болдог бөгөөд Thunderbird-г Lightning нэмэлттэйгүйгээр төсөөлөхийн аргагүй юм. Энэ нэмэлтийн ачаар хуанли, цагийн хуваарь, ажил үүргийн хуваарь хөтлөх боломжтой болдог юм. Үнэгүй учраас та бараг л бүх үйлдлийн систем дээр чөлөөтэй хэрэглэх боломжтой и-мэйлийн програм юм.
 4. Gmail (Вэбд суурилсан/Үнэгүй)Google-н вэбд суурилсан энэхүү програм нь маш уян хатан, хүчирхэг сайн програм бөгөөд та өөрийн бусад и-мэйл хаягаа ч Gmail дээр шалгаж, оруулж болдог. Танд 7GB-н и-шуудангийн хайрцаг өгөх бөгөөд спам, хогийн и-мэйл огт орж ирдэггүй гэж болно. Gmail нь анх бүртгүүлэхэд хязгаарлалттай, зөвхөн урилгаар байсан бол одоо харин та чөлөөтэй бүртгүүлэн өөрийн хаягийг нээх боломжтой болсон.
 5. Postbox (Windows, Mac/$39.99)Mozilla-гийн код суурилан хийгдсэн бөгөөд Thunderbird-н зарим нэг нэмэлтүүдийг хөрвүүлэн оруулсан байна. Хэрэглэгчийн орчин нь маш хялбар, уян хатан бөгөөд та и-мэйл бичихийн зэрэгцээ хуучин и-мэйлээс мэдээлэл хайх, и-мэйл хаяг олох гэх мэт үйлдлийг зэрэг хийж болдог.
Тэмдэглэж авах
И-мэйлээр илгээх
Үзсэн: 1339 Сэтгэгдлүүд (3)
...
Бичсэн Erkhemee, January 30, 2010
hi! meduushtei medeelel bn tnx minii huwid gmail heregledeg. deerh medeellees Thunderbird-g sonirhoj hereglej uzii gej shiidlee
|
Сэтгэгдэл оруулах нүдийг харуулах/нуух
