Google корпораци өөрийн эзэнт гүрний хүчийг нэмэхээр шинэлэг салбаруудад хүч түрэн орсоор байгаа билээ. Өнгөрсөн жил гар утасны сүлжээний долгион авах гэж оролдож байсан хайлтын системийн хаан маань одоо өөрийн ивээн тэтгэж ирсэн Mozilla Firefox-той өрсөлдөхөөр "Сhrome" нэртэй шинэ вэб хөтчөө гаргалаа.

Нээлттэй эхийн төсөл болох Chromium дээр суурилан хийгдсэн бөгөөд хамгийн түгээмэл хэрэглэгддэг Microsoft Internet Explorer, Mozilla Firefox, Opera болон Apple Safari нарын сайн талуудыг авч (ер нь бол хуулсан) сайжруулсан хөтчийн эхний туршилтын бета хувилбарын 9 сарын 2-нд олон нийтэд хүргэлээ. Google Chrome-н онцлог давуу талуудаас дурдвал:

• Нэгдмэл чанар. Вэб үзэх, вэбийн бүртгэл, хайлтын систем, таны дуртай вэбсайтууд бүгд нэгэн дор амар хялбар, хэрэглэхэд ойр бүтээгджээ.
• Уян хатан товхнууд (tabs). Бидний Firefox дээр хэрэглэж заншсан Tabs буюу Товхнуудыг хөгжүүлэн, шууд чирээд шинэ цонх үүсгэх эсвэл эсрэгээр нь олон цонхнуудыг нэг цонхны товхнууд болгон нэгтгэх гэх мэтээр дураараа өөрчлөх боломжуудтай.
• Аюулгүй, найдвартай ажиллагаа. Та санамсаргүйгээр аюултай, вирустай эсвэл хуурмаг вэбсайт руу хандвал болзошгүй аюулын талаар мэдэгдэх болно. Товх тус бүр өөр өөрийн хэсэгт ажиллах бөгөөд аль нэг товх алдаа гаран crash-лаж хаагдлаа гэхэд бүгдээрээ хаагдчихдаггүй байна.

Google Chrome татаж авахыг хүсвэл энэ холбоосоор орно уу.