Саяхнаас Gmail хэрэглэгчид анзаарсан бол таны и-мэйлийн шуудангийн хайрцагт хэрэгтэй хэрэггүй спам и-мэйл илүү их ирээд эхэлсэн байх. Энэ нь Google Gmail-н и-мэйл ялгах системд байсан алдаатай холбоотой байсан бөгөөд хэлэлцүүлгийн самбарт олон хэрэглэгчид гомдол гаргасны дараа л нэг юм зассан байна.

Хэдэн арван сая хэрэглэгчтэй Gmail-н хувьд энэ нь хэцүү асуудал бөгөөд сүүлийн сард гэхэд 3 удаа үйлчилгээ нь тасалдсан байна. Жилийн $50 үнэтэй байгаа Premier Apps ангиллын үйлчлүүлэгчиддээ 99.9%-н найдвартай ажиллагааны баталгаа өгдөг Google корпораци эдгээр асуудлуудын улмаас хэрэглэгчиддээ тусгай хөнгөлөлт өгсөн байна.