Нүүдэлчид 2.0 - 2008 оны шилдэг видео тоглоомууд

2008 оны шилдэг видео тоглоомууд

Бичсэн Алтансүх

2008 оны 12-р сарын 29, Даваа гариг, 09:04

2008 он бидэнд олон шинэ сонин технологи, түүнийг дагаад олон сайхан тоглоомуудыг авчирлаа. Найз нөхөдтэйгөө чөлөөт цагаа өнгөрөөхөд зугаатай олон тоглоомуудаас шилдэгүүдийг нь энд толилуулъя.

	Rockstar Games компаний нэрийн хуудас болсон Grand Theft Auto цувралын дараагийн хувилбар болох GTA IV нь 2001 оноос хойш гарсан том өөрчлөлт бөгөөд олон шинэ боломжуудтай болжээ. Liberty хот нь ихээхэн хөгжиж, илүү бодитой амьд хот болсон бол манай алдартай гэмт хэрэгтэн Нико маань бужигнуулсан хэвээрээ л байна. Энэ тоглоомын талаархи дэлгэрэнгүй мэдээллийг Rockstar Games болон CNET-ээс үзнэ үү.
	2006 онд дуулиан тарьсан энэ тоглоомын хоёр дахь хувилбар нь мөн адил сайн болжээ. Шинэ зэвсэг, шинэ дайснууд болон зөндөө олон шинэ сорилтууд нэмэгджээ. Маркус Феникс болон Делта хүчнийхэн Дэлхийгээ харь гаригийнхнаас чөлөөлөхөөр газар доорхи нуувчнуудаар дайтан явах хэрэгтэй болно. Тасралтгүй үргэлж адал явдалд дуртай тоглоомчид байвал дэлгэрэнгүй мэдээллийг Gears of War болон CNET-ээс аваарай.
	Nintendo Wii нь өөрийн өвөрмөц мэдрэмжтэй удирдлагаараа видео тоглоом сонирхогчдыг байлдан дагуулж байгаа билээ. Тэгвэл Mario Kart бол Wii-д зориулсан тоглоомуудаас 2008 онд тасархай шалгарсан байна. Mario, Luigi, Princess гэх мэт өхөөрдөм баатруудаар сонирхолтой замаар уралдах нь маш зугаатай бөгөөд найзуудтайгаа эсвэл интернетээр тоглох боломжууд нь үнэн саак. Дэлгэрэнгүй мэдээллийг Mario Kart болон CNET-ээс үзээрэй.
	Little Big Planet нь өвөрмөц тоглоом бөгөөд та шинээр үе үүсгэн Playstation сүлжээгээр цацаж болдог. Гайхалтай зураг дүрслэл, өхөөрдмөөр сонин баатрууд нь энэ тоглоомыг бүх насны хүмүүст тохирсон сонирхолтой тоглоом болгожээ. Дэлгэрэнгүй мэдээллийг Little Big Planet болон CNET-ээс аваарай.
	Nintendo DS нь PSP-тэй өрсөлдөнө гэж хэлж чадахгүй ч бүх насны хүмүүст энгийн, хөгжилтэй тоглоомуудыг хүргэдэг билээ. Энэ тоглоомд нэгэн бяцхан хотод болсон хэргийг мөрдөх явцдаа олон сонирхолтой учир бүдүүлэг зүйлсийг тайлах бөгөөд хялбар удирдан тоглох боломж нь энэ тоглоомыг шилдгүүдийн нэг болгож байна. Дэлгэрэнгүй мэдээллийг CNET-ээс үзнэ үү.
	Зураг дүрсний өндөр нарийвчлалтай энэ сонирхолтой тоглоомыг бяцхан PSP-д тохируулан гаргаж чадсанаараа энэ тоглоомыг бүтээгчид том амжилтанд хүрчээ. Үе болгон нь олон сонин сорилтуудтай энэ тоглоом нь PSP тоглоомуудаас шилдэг нь болжээ. Дэлгэрэнгүй мэдээллийг PSP болон CNET-ээс үзээрэй.
	2008 оны хамгийн аймшигтай тоглоом гэхээр нь энэ тоглоомд та харь гаригийнханд эзлэгдсэн сансрын хөлгөөрөө явж өөрийн багийн хүмүүсээ хэрхсэнийг олохоос гадна хамгийн гол нь амьд гарна гэдэг хэцүү даалгавар гэдгийг үзнэ. Дэлгэрэнгүй мэдээллийг EA Games болон CNET-ээс үзээрэй.
	Playstation 3-ийн шилдэг тоглоомуудын нэг Resistance-н дараагийн энэ хувилбар нь мөн адил түүхтэй бөгөөд Дэлхийн 2-р дайны өөр нэгэн хувилбар юм. Кимера хэмээх харь гаригийн амьтад дэлхийг дайрах ба эх дэлхийгээ аврах агуу үйлсд хүчин зүтгээрэй. Өндөр нарийвчлалтай дүрслэл, хурдан ажиллагаа гээд бүх талаараа өмнөх хувилбараа эрс сайжруулжээ. Дэлгэрэнгүй мэдээллийг Playstation болон CNET-ээс үзээрэй.
	Тоглоом сонирхогчдыг удтал хүлээлгэсэн энэ тоглоом нь дүрд тоглох тоглоом бөгөөд сүйрлийн дараахи Вашингтон хотын 101 дэхь нуувчийн оршин суугчийн дүрд орон эцгийгээ хайж олох хэрэгтэй болно. Агуу том ертөнцийг нээн нууцыг тайлан явахдаа хэдэн сарыг зарцуулж болох байх шүү. Дэлгэрэнгүй мэдээллийг Fallout болон CNET-ээс авна уу.
	Маш сонирхолтой тагнуултай энэ тоглоомын сүүлчийн хувилбар нь өвөрмөц түүхтэй бөгөөд энэ тоглоомыг нэг тоглоод үзэхэд огтхон ч харамсахгүй шүү. Олон сонин "бодит" кино оруулснаараа та бараг томоохон адал явдал, тагнуул, нууц ажиллагаатай киноны гол дүрд тоглох болно. Дэлгэрэнгүй мэдээллийг Konami болон CNET-ээс үзнэ үү.