Сайн байцгаана уу. Нийтлэл бичилгүй бараг 3 долоо хоног явсан учир гэвэл АНУ-ын Нью Йорк хотд болсон Joomla! Хөгжүүлэгчдийн Хурал 2009, энэ төрлийн анхны хуралд оролцоод ирлээ. Энэхүү хурлын гол зорилго нь Joomla!-г бүтээдэг гол программистууд болон бусад компонент, дизайн загвар хөгжүүлэгчдийг уулзуулах, дараа дараагийн Joomla! 1.6 болон 1.7 хувилбаруудад ямархуу өөрчлөлт, шинэ боломжууд, ямар зарчмаар хөгжүүлэхээ хэрэглэгчидтэйгээ ярилцахад оршиж байсан юм. Joomla!-гийн санхүүг зохицуулдаг OpenSourceMatters компаниас ивээн тэтгэн зохион байгуулсан энэхүү хурал нь маш амжилттай болсон бөгөөд энэ хуралд Joomla! Үндсэн багийн гишүүд, Mootools, Rochen Host, Microsoft, Rockettheme, CiviCRM, Shape5, CorePHP, JoomlaXTC, Joomla! Showroom, Gavick Pro зэрэг олон хөгжүүлэгч багийн төлөөлөгчид оролцлоо.

Бид та бүхэнд өнөөдрийг хүртэл Joomla! Агуулгын Удирдлагын Системийн хэд хэдэн үндсэн хичээлүүдийг хүргэсэн бөгөөд энэ удаагийн хичээлээр аливаа вэбсайтыг төлөвлөхөөс эхлээд эцсийн вэбсайт болгон олон нийтэд хүргэх хүртэл яг ямар ямар алхмыг дамжих вэ, юу юуг анхаарах талаар толилуулах болно. За ингээд суудлын даруулгаа хийж аваад Joomla!-тай цуг амжилтын зүг нисье!