Сайн байцгаана уу. Нийтлэл бичилгүй бараг 3 долоо хоног явсан учир гэвэл АНУ-ын Нью Йорк хотд болсон Joomla! Хөгжүүлэгчдийн Хурал 2009, энэ төрлийн анхны хуралд оролцоод ирлээ. Энэхүү хурлын гол зорилго нь Joomla!-г бүтээдэг гол программистууд болон бусад компонент, дизайн загвар хөгжүүлэгчдийг уулзуулах, дараа дараагийн Joomla! 1.6 болон 1.7 хувилбаруудад ямархуу өөрчлөлт, шинэ боломжууд, ямар зарчмаар хөгжүүлэхээ хэрэглэгчидтэйгээ ярилцахад оршиж байсан юм. Joomla!-гийн санхүүг зохицуулдаг OpenSourceMatters компаниас ивээн тэтгэн зохион байгуулсан энэхүү хурал нь маш амжилттай болсон бөгөөд энэ хуралд Joomla! Үндсэн багийн гишүүд, Mootools, Rochen Host, Microsoft, Rockettheme, CiviCRM, Shape5, CorePHP, JoomlaXTC, Joomla! Showroom, Gavick Pro зэрэг олон хөгжүүлэгч багийн төлөөлөгчид оролцлоо.

Joomla! Day Mongolia 2009 өдөрлөг анх удаагаа Монгол улсад 2009 оны 9-р сарын 29-30 өдрүүдэд амжилттай болж өндөрлөлөө. 9-р сарын 29-ний өглөө Мэдээллийн Технологийн Үндэсний Паркд болсон өдөрлөгийн нээлтэнд Монгол улсын сайд, Засгийн газрын Хэрэг эрхлэх газрын дарга Б.Долгор үг хэлж нээснээр өдөрлөг албан ёсоор эхэлсэн билээ. Өдөрлөгийн 2 дахь өдөр буюу 9-р сарын 30-нд Нээлттэй Нийгэм Хүрээлэн дээр зохиогдсон Joomla! 1.5 Монгол хувилбарын үнэгүй сургалтанд янз бүрийн байгууллага, их дээд сургуулиудаас 80 гаруй хүмүүс оролцлоо. Ингээд Монгол улсад нээлттэй эхийг хөгжүүлэхэд хувь нэмрээ оруулах зорилгоор зохион байгуулсан Joomla! Day Mongolia 2009 өдөрлөг маш амжилттай болсныг хэлэхэд таатай байна.