Та бидний хэрэглэж дадсан Joomla! 1.5 Агуулгын Удирдлагын Системийн иж бүрэн Монгол хувилбар тун удахгүй та бүхэнд Нүүдэлчид 2.0 вэбсайтаар хүрэх гэж байна. Бид Үндсэн сайтын хэсгийг 2008 оны 3-р сард буюу Joomla! 1.5 хувилбараас 2 сарын дараа гаргасан бол Удирдлагын самбарын иж бүрэн орчуулга маань тодорхой шалтгаануудын улмаас бага зэрэг (3 сараар) хоцорсон ч та бүхэнд очиход бага багаар бэлэн болж байна.

Joomla!-г сонирхон хэрэглэж, нээлттэй хэвээр нь цаашид түгээхэд хувь нэмрээ оруулж байгаа та бүхэнд бүгдэд нь талархал илэрхийлье. Бид Joomla! Монгол 1.0 хувилбарыг та бүхэнд 2007 оны 5-р сард өргөн барьсан бол энэ 2009 оны 9-р сард Joomla! 1.5 Монгол хувилбар мэндлэхэд багахан хугацаа үлдлээ. Орчуулгын ажил үндсэндээ дууссан бөгөөд одоо чанарын шалгалт, үг үсгийн алдаа шалгах, үг хэллэгийн жигдрүүлэх ажлууд явагдаж байна. Тийм учраас Joomla! 1.5 Монгол хувилбарын албан ёсны багцыг гарсан үед нь Нүүдэлчид 2.0 вэбсайт дээрээс татан аваарай.

Нутагшуулалтын ажилд идэвхтэй сайн оролцож байгаа багийн гишүүд болох Цаньлэг, Лхагвасүрэн, шинэхэн гишүүд Анарболд, Цэцболд болон ажиллах саналаа ирүүлсэн та бүгдэд талархал илэрхийлье. Энэ ажил бол цаашдын олон ажлын эхлэл бөгөөд эх болсон Монгол хэлээрээ мэдээлэл технологийн шийдлүүдийг олон нийтдээ хүргэх өөр зөндөө олон ажил хүлээж байгаа болно. Тийм учраас англи хэлний өндөр мэдлэгтэй, компьютерт сонирхолтой хүмүүстэй хамтран ажиллахдаа таатай байх болно.

Бидний ажлыг цаг үргэлж Joomla! үндсэн багийнхан дэмжиж холбоотой ажиллаж байгаа бөгөөд цаашид ч улам дэмжихээ илэрхийлсэн болно.

Ингээд хөгжил дэвшлийн зүг урагшаа!