Joomla! Day Mongolia 2009 өдөрлөгийн эхний өдөр амжилттай боллоо. Өдөрлөгийн үйл ажиллагааг нээж Монгол улсын сайд, Засгийн газрын Хэрэг эрхлэх газрын дарга Б.Долгор үг хэлсэн бөгөөд бүх Монголчуудын хувьд чухал ач холбогдолтой ажил болж байгааг онцлон тэмдэглэлээ. Өдөрлөгийн үйл ажиллагаанд мөн ЗГХЭГ-ын хэлтсийн дарга Д.Одбаяр, АНУ-ын ОУХА-ын санхүүжилттэй ЭЗБШӨЧ төслийн удирдагч Фернандо Бертоли, Joomla! үндсэн багийн төлөөлөгч Райн Озимек, Нүүдэлчид 2.0 багийн ахлагч Т.Алтансүх, Мэдээлэл, Шуудан, Харилцаа Холбоо, Технологийн газрын хэлтсийн дарга А.Мөнхбат, хэлтсийн мэргэжилтэн Г.Нямдорж нар оролцож үг хэллээ.

Өдөрлөгийн үйл ажиллагаанд манай мэдээллийн технологийн мэргэжилтнүүд, оюутан залуус идэвхтэй оролцсон бөгөөд 9-р сарын 30-ний өдрийн сургалтанд нийтдээ 80 хүн оролцохоор бүрэн бүртгүүлсэн байна.

Мөн өдөрлөгийн үеэр Joomla! 1.5 Монгол хувилбар агуулгын удирдлагын системийг нээсэн билээ. Иж бүрэн Монгол хэлнээ орчуулагдсан энэхүү системийг өдөрлөгт оролцогчид хуулан авсан бөгөөд мөн та бүхэн энэ вэбсайтаас татан авч болох юм.