Joomla! Хэрэглэгчдийн Бүлгэм Монгол (http://community.joomla.org/user-groups.html)-ын 2 дахь уулзалт өнгөрсөн Бямба гаригт болж өнгөрлөө. Уулзалтанд бүлгэмийн гишүүдээс 8 хүн, шинээр 5 хүн ирсэн бөгөөд бүлгэмийн гишүүд улам бүр өргөжиж байгаад талархаж байна. Та бүхнийг дараа дараагийн уулзалтуудад идэвхтэй оролцохыг урьж байна. Уулзалтын зарыг Нүүдэлчид 2.0 вэбсайт дээр тавихаас гадна удахгүй нээх Google Group дээр зарласнаар тухай бүрдээ илүү олон хүнд хүрдэг болно гэж найдаж байна.

Энэ удаагийн уулзалтаар дараахи асуудлуудыг хэлэлцэн, Joomla! хэрэглэгчдэд түгээмэл учирч байгаа бэрхшээлүүдийг хэрхэн шийдэх талаарх ярилцлаа. Үүнд:

• Агуулгын Удирдлагын Системийн бүтэц, зохион байгуулалт
• Joomla! 1.6 хувилбарт шинээр юу нэмэгдэж байгаа болон бусад онцлогуудын талаар
• Joomla! суулгах үеийн анхаарах зүйлс
• Серверт тохируулахад учирч байгаа хүндрэлүүд
• Хайлтын системд нийцтэй тохиргоо
• Дизайн загвар засварлахад анхаарах зүйлс, тустай хэрэгслүүд

Бүлгэмийн гишүүд болон шинээр элсэхийг хүсч байгаа хүмүүст GMail (http://www.gmail.com) хаягтай болохыг хүссэн бөгөөд ингэснээр бүгдээрээ Google group-д нэгдэж, нэг дор хэлэлцүүлэг явуулах боломжтой болох юм.