Та өөрийн вэбсайтаа Joomla! 1.0.x хувилбар эсвэл Joomla! Mongolia 1.1 хувилбар ашиглан бүтээсэн бол одоо хамгийн сүүлийн шинэ Joomla! 1.5 хувилбар руу шинэчлэн шилжүүлэх шаардлага зүй ёсоор гарч байна. Та шилжүүлэхийн тулд нилээн зүйлийг шинээр бүтээх, суулгах, тохируулах шаардлагатай бол вэбсайтынхаа гол цөм болох мэдээллийн баазаа буюу мэдээллүүдээ шилжүүлэх боломжтой юм.

Вэбсайтаа шилжүүлж эхлэхийн юун түрүүнд та өөрийн Joomla! 1.0.x вэбсайтын нөөц хуулбарыг хийж авахыг зөвлөж байна.

Та дараахи мэдээллүүдийг шилжүүлж болно:

• Вэбсайтын нийтлэлүүд
• Хэсгүүд (Sections) ба Бүлгүүд (Categories)
• Цэс, цэсний холбооснууд
• Бүртгэлтэй хэрэглэгчид
• Түгээмэл компонентуудтай холбоотой мэдээлэл (DOCMan, Joom!Fish, EventList, VirtueMart, Podcast, Fireboard, Seyret)

Харин компонентууд, модулиуд, мамбот болон дизайн загвар (template)-ууд Joomla! 1.5 руу шилжихгүй учир та энэ бүгдийг 1.5-д зориулсан хувилбарыг олж суулган тохируулах, шинээр бүтээх хэрэгтэй болно гэдгийг анхаарна уу.

1. Та шилжүүлэхийн тулд Migrator компонентыг http://joomlacode.org/gf/project/pasamioprojects/frs/?action=FrsReleaseBrowse&frs_package_id=2588 хаягаар орж хамгийн сүүлийн хувилбар (одоогоор 1.2 хувилбар)-ыг татан авч Joomla! 1.0.x дээрээ суулгана.

2. Компонент цэснээс Migrator-г сонгож нээнэ. Та дээр дурдсан компонентуудын аль нэгийг хэрэглэж байгаа бол, мөн эдгээр компонентуудын мэдээллээ шилжүүлэхийг хүсвэл Migrator-т зориулсан нэмэлтийг http://extensions.joomla.org/extensions/extension-specific/migrator-extensions хаягаас татан авч Migrator компонент дотор Add 3rd Party Migrators хэсэгт орж суулгана.

3. Ингээд мэдээллээ шилжүүлэхэд бэлэн болсон бол Create Migration SQL File хэсэгт орно. Тухайн хэсэгт шилжүүлэх мэдээллийн баазын хүснэгтүүдээ (бүгдийг нь сонгож болох) сонгоод Start Migration товчийг дарна.

4. Migrator компонент автоматаар бүх хүснэгтийг шалгаад мэдээллүүдийг нь нэгтгэн SQL файлд хадгалаад дараах дэлгэц гарна. Та Download буюу татах холбоосоор орж зохих SQL файлаа татан авч өөрийн компьтерт хадгална.

Та Joomla! 1.5-ийг суулгах хичээлийг манай http://www.n20.mn/joomla/tutorials/60-how-to-install-joomla-15x.html хичээлээс сонирхоорой. Гэхдээ Joomla! 1.5 суулгах хамгийн сүүлийн 6-р алхам буюу Main configuration хэсэгт эхний алхамд үүсгэсэн SQL файлаа ашиглан мэдээллээ оруулна.

1. Та Joomla! 1.5 суулгах явцыг эхлүүлээд Main Configuration буюу Үндсэн Тохиргоо цонх хүртэл явна. Тэгээд дараахи зурагт үзүүлсний дагуу 1. Шилжүүлэх програмыг дуудах сонголтыг сонгоно. 2. Хуучин хүснэгтний угтвар хэсэгт хуучин вэбсайтныхаа мэдээллийн баазын хүснэгтийн угтварыг оруулна. Ихэнх тохиолдолд "jos_" байдаг. 3. Хуучин сайтны кодчлол сонголтоос "utf-8" буюу Unicode кодчлолыг сонгосноор Жуумла! Монгол хувилбарыг мэдээлэл алдаагүй орох болно. 4. Шилжүүлэх програм сонголтонд эхний алхамд өөрийн компьютерт татан хадгалсан SQL файлаа сонгоно. Дээрх бүгдийг тохируулсны дараа Серверт оруулан ажиллуулах товчийг дарна.

Шилжүүлэлт амжилттай болоод дараахи дэлгэц гарна.

Үүний дараа Joomla! 1.5 вэбсайтынхаа нэр, админы нууц үгийг оруулаад суулгаж дуусгана. Энэ хичээл бол мэдээж шилжүүлэх их ажлын зөвхөн эхлэл хэдий ч та бид бүгдээрээ Нүүдэлчид 2.0 вэбсайтаараа дамжуулан олон сайхан вэбсайт бүтээнэ гэж найдаж байна. Та бүгдэд амжилт хүсье.