| МХХТ-ийн мэргэжилтнүүдийн судалгаа: Програм хангамж |
 |
| Миний Компьютер, Digital World сэтгүүл - Мэдээ, мэдээлэл | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Бичсэн Алтансүх | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2009 оны 5-р сарын 27, Лхагва гариг, 01:20 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Өнөөдөр мэдээлэл, харилцаа, холбооны технологийн (MХХТ) салбарын мэргэжилтнүүд, тэр дундаа програм хангамжийн мэргэжилтнүүд нь ихээхэн эрэлттэй, “өндөр” үнэтэй байдаг билээ. МИНИЙ КОМПЬЮТЕР/DIGITAL WORLD сэтгүүлийн редакциас Монголын МХХТ-ийн мэргэжилтнүүдийн дунд явуулсан нэгэн санал асуулгын үр дүнг уншигч та бүхэндээ хүргэж байна.
Энэ удаагийн санал асуулгад цөөн тооны оролцогч оролцсон ч санал асуулгын дүн, оролцогчдын хариулж байгаа байдал нь идэвхтэй, цэгцтэй байсан зэрэг нь үнэхээр МХХТ-ийн мэргэжилтнүүд хариулжээ гэсэн сэтгэгдэл бидэнд төрснийг хэлэх нь зүйтэй болов уу. Судалгаанд нийт 144 хүн оролцсоноос 141 нь ихэнх асуултанд бүрэн хариулсан байна.
Уншигч та бүхэн сэтгүүлийн редакцийн зүгээс тавьж байгаа асуултуудаас уг санал асуулгыг ямар зорилгоор, чухам юуг тодруулах гэж явуулсныг төвөггүй мэдэх боломжтой тул элдэв нуршуу тайлбараас зайлсхийн санал асуулгын үр дүнг хүргэх нь зүйтэй болов уу. Энэхүү судалгаа нь төрийн байгууллагууд, бодлого боловсруулагчид, хувийн хэвшлийн удирдлагууд, их дээд сургуулийн багш, оюутнуудын өөрсдийнхөө чиг хандлагыг тодорхойлоход ач холбогдолтой эх сурвалж болно гэдэгт найдаж байна. Нэг. Судалгаанд оролцогчдын ерөнхий мэдээлэл
Хувийн хэвшлийн байгууллагуудын үйл ажиллагаа харьцангуй өргөн хүрээтэй, зарим байгууллагууд програм хангамжийн чиглэлээр дагнасан байдагтай холбоотойгоор хувийн хэвшилд ихэнхдээ ажилладаг байж болох юм. Сүүлийн үед төрийн байгууллагууд үйл ажиллагаагаа автоматжуулах, мэдээлэлжүүлэх чиглэлээр хэлтэс нэгжтэй болж байгаа нь төр засгийн зүгээс мэдээллийн технологи, мэдээллийн технологид суурилсан үйлчилгээнд ихээхэн анхаарч байгааг илтгэх нэг үзүүлэлт юм.
Асуулгад оролцогчдын 47.9 хувь нь 26-30 настай байгаа нь мэдээллийн технологийн боловсрол эзэмшээд дор хаяж 4-5 жил ажиллаж байж мэргэжилтэн болдгийг харуулсан үзүүлэлт байж магадгүй. Түүнчлэн 36-гаас дээш насны хүмүүсийн эзлэх хувь харьцангуй бага байгаа нь мэдээллийн технологийн салбар ихээхэн залуужиж буйг илтгэж байна.
Боловсрол, Соёл, Шинжлэх Ухааны Яамнаас гаргасан мэдээгээр 2008-2009 оны хичээлийн жилд манай орны нийт 154 их дээд сургуульд 61111 оюутан суралцаж байгаагаас компьютерийн чиглэлээр 5758 оюутан суралцаж байна. Эдгээрээс 2135 оюутан нь эмэгтэй байна. Хэдийгээр компьютер, мэдээллийн технологийн чиглэлээр суралцдаг, мэргэжил эзэмшсэн эмэгтэйчүүдийн эзлэх хувь бага бус ч, тухайн мэргэжлээр ажиллах нь харьцангуй бага байдаг. Манай судалгаанд оролцогчдын 14.6 хувь нь эмэгтэйчүүд байгаа нь програм хангамжийн мэргэжилтнүүдийн дэлхийн жишигтэй нийтлэг үзүүлэлт юм. Энэ уг мэргэжлийн онцлогтой холбоотой.
Санал асуулгад оролцогчдын 10 хувь нь гадаадаас оролцжээ. Монголд амьдарч ажилладаг ч гадаад руу чиглэсэн үйл ажиллагаа явуулдаг байж болох тул энэ тоо төдийлөн ач холбогдолгүй ч байж болох юм. Хоёр. Мэргэжлийн мэдээлэл
Санал асуулгад оролцогчдын 60 хувь нь энэ удаагийн санал асуулгын зорилтот мэргэжилтнүүд байсан нь тун олзуурхууштай. Бусад гэсэн хариултанд хэрэглээний математик, уул уурхайн инженер, холбооны инженер зэрэг мэргэжлээр төгссөн гэж хариулсан нь мэдээллийн технологийн мэргэжлээр төгсөөгүй хэдий ч энэ чиглэлээр ажилладаг тодорхой тооны мэргэжилтнүүд байгааг илтгэж байна.
Төгссөн мэргэжил болон програм хангамж хөгжүүлж буй байдлын талаарх асуултанд хариулсан байдал ижил байгаагаас ихэнх тохиолдолд төгссөн мэргэжлээ солилгүйгээр үндсэн ажлаа хийж байна гэсэн дүгнэлтийг өгч болохоор байна. Бусад гэсэн хэсэгт багш гэх зэрэг “програм хангамжийн хөгжүүлэлтэд шууд оролцдоггүй” гэсэн хариултыг өгсөн байлаа.
Хариултаас харахад манай улсад мэдээллийн технологийн салбар нь шинэ тулгар хөгжиж байгаа, залуучууд ихтэй байгаа нь илт байна. Асуулгад оролцогчдоос 12-оос дээш жил ажилласан мэргэжилтэн ердөө л 6,3 хувийг эзэлж байна.
Санал асуулгад оролцогчдын 30.4 хувь нь ямар нэг байдлаар Оpen source хөгжүүлэлтэд оролцдог гэсэн бол 63 хувь нь оролцдоггүй гэжээ. Хамгийн сонирхолтой нь 6.5 хувь нь энэ талаар ойлголтгүй гэжээ.
Манай мэдээллийн технологийн мэргэжилтнүүд “универсаль” болохоо энд дахин нотоллоо. Санал асуулгад оролцогчдын 25 хувь нь техник хангамжийн чиглэлээр ажиладаггүй, зөвхөн кодоо бичдэг гэж бүдүүн тоймоор ойлгож болохоор байна. Сүлжээний инженер, оператор зэрэг нь үнэндээ програм хангамжийн мэргэжилтэнтэй ямар ч хамаагүй ажил тул ялангуяа менежментийн түвшинд ажлын байрны тодорхойлолтыг зөв гаргахад ихээхэн анхаарах шаардлагатайг харуулж байна. Гурав. Ажлын орчин, технологи
Манайд Windows системийн хэрэглээ хэрэглэгчийн бүх түвшинд их байдаг ч програм хангамжийн мэргэжилтнүүдийн хувьд Linux үйлдлийн систем зайлшгүй нэг хэрэглээ болж байгааг асуулгад оролцогчдын 32.5 хувь нь уг системийг ашигладаг гэсэн хариулт өгснөөс харж болно. Бусад гэсэн хэсэгт Unix, FreeBSD, Ubuntu, Fedora зэрэг хариултуудыг өгчээ. Эдгээр системүүд анхаарал татаж байгаа нь зүйн хэрэг юм.
Ажилладаг програм хангамжийн орчны тухайд маш сонирхолтой дүнг харж болно. Програм хангамжийн хөгжүүлэлтийн чиг хандлага нь .NET, Java, LAMP гэсэн үндсэн чиглэлүүдээр хөгжиж байгаа ба манай залуучууд цаг үеэсээ хоцроогүй, хэд хэдэн платформыг зэрэг ашигладаг нь сонирхолтой байна. Бусад хэсэгт Oracle, Delphi зэрэг хариултууд байсныг дурдахгүй өнгөрч болохгүй.
Програм хангамжийн хэлний хувьд орчинтойгоо шууд уялдаатайгаар Java, C, Basic хэлнүүд голчлохын зэрэгцээ Delphi хэл нэлээд чухал байр суурь эзэлж байна. Энэ нь одоогоос хэдэн жилийн өмнө обьект хандалтат програмчлалын сургалтын хөтөлбөрөөр Delphi хэлийг түлхүү оруулах болсонтой холбоотой болов уу. Бусад хэсэгт Oracle, PLSQL, PHP, Ruby гэх мэт хариултуудыг өгчээ.
Сүүлийн үеийн програм хангамжууд вэб дээр суурилсан технологийг өргөн ашиглах болсон. Санал асуулгад оролцсон бараг бүх мэргэжилтнүүд вэб технологийг ашигладаг, JSP, AJAX, CGI/PERL технологиудыг сонгож байгаа нь маш сонирхолтой дүн байлаа. Бусад хэсэгт AJAX, Ruby, CSS гэсэн хариултуудыг өгчээ.
Өгөгдлийн сан удирдах системийн хувьд ихэвчлэн MySQL системийг ашигладаг байна. Энэ нь нэг талаараа манайд хийгдэж байгаа дийлэнх системүүд их хэмжээний өгөгдөлтэй ажилладаггүйг илтгэх үзүүлэлт байж болох юм. Харин асуулгад оролцогчдын дунд Oracle хэрэглэдэг мэргэжилтний эзлэх хувь 22,1 байгаа нь тун чамлахааргүй үзүүлэлт юм. Бусад гэсэн хэсэгт Interbase, PostgreSQL ашигладаг гэсэн хариултуудыг өгчээ.
Эндээс нэг зүйл шууд ажиглагдаж байна. Програм хангамжийн мэргэжилтнүүдийн тухайд мультимедиа програмыг сайн эзэмшсэн байх шаардлагагүй ч манай нөхцөлд “бүгдийг” өөрөө хийдэг универсаль болж хувирдагтай холбоотойгоор дийлэнх мэргэжилтнүүд график дизайн, мультимедиа чиглэлээр ажиллах шаардлага гардаг бололтой. Мэдээж програм хангамжийн мэргэжилтнүүдийн хувьд Photoshop програм дээр зураг янзлаад суух нь тийм ч оновчтой бус. Асуулгад оролцогчдын 18.8 хувь нь Macromedia Flash ашигладаг нь ихээхэн сонирхол татаж байна. Энэ нь график дизайн, анимэйшн талаараа биш, тодорхой хэмжээгээр кодчлол шаарддагтай холбоотой болов уу. Бусад хэсэгт Inscape, Maya ашигладаг гэсэн хариултууд байлаа.
Энэ асуултын дүнгээс харвал нэг талаар сайн, нөгөө талаар муу ч гэж хэлж болохоор зүйл байгаа нь “вэб хөгжүүлэлт” юм. Вэб програмчлал эрчимтэй хөгжиж байгааг хэн ч буруутгахгүй ч бүх програм хангамжууд вэб дээр суурилдаг болно гэдэг нь ихээхэн өрөөсгөл ойлголт юм. Товчоор бол манайд вэб хөгжүүлэлт ихээхэн хурдацтай хөгжиж буй болтой. Бусад хэсэгт сүлжээний хяналт, open-source, системийн програмчлал, багшлах зэрэг хариултууд байлаа. Дөрөв. Аутсорсинг
Аутсорсингийн ажил хийж буй байдал болон аутсорсингийн ажил хийх бодол байгаа эсэх талаарх асуултуудаар аутсорсингийн нөхцөл байдлыг тодорхойлохыг хичээлээ. Үндсэндээ асуулгад оролцогчдын 8,5 хувь нь аутсорсинг хийдэг гэсэн хариулт өгсөн нь чамлалттай ч аутсорсинг хийх хүсэл сонирхол, боломж нэлээд буй бололтой. Оролцогчдын 80 орчим хувь нь шууд аутсорсинг хийх боломжтой гэж үзэж байгаа нь манайд аутсорсингийг дэмжсэн үйл ажиллагаа, менежмент дутагдаж байгааг илтгэж байна. Тав. Цалин, цаашдын төлөвлөгөө
Дээрх асуултуудаар тухайн хүний орлого болон цаашдын хандлага зэрэг хүний нөөцийн бодлоготой холбоотой асуудлуудыг тодруулахыг зорьсон юм. Судалгаанаас ажиглахад цалингийн хувьд ерөнхийдөө боломжийн, гэхдээ тодорхой хэмжээгээр нэмэх шаардлагатай гэсэн дүр зураг харагдаж байна. Судалгаанд оролцогчдын 64,6 хувь нь цаашдаа ямар ч байсан мэргэжлээрээ ажиллах дур сонирхолтой байгаа нь сайн үзүүлэлт. Үүнийг бусад салбарын ажилтнуудтай харьцуулж үзвэл ихээхэн сонин дүн гарах болов уу. Санал асуулгад оролцогчдын 16.7 хувь нь удирдах ажил сонирхож байгаа нь анхаарал татаж байна. Бусад гэсэн хэсэгт зарим хүн 3 сая төгрөг авах хүсэлтэйгээ, мөн давхар ажил эрхэлмээр байна гэсэн хариултуудыг өгчээ. Долоо. Мэргэжил дээшлүүлэлт, сургалт
Мэргэжлээрээ цаашдаа хөгжих дэвжих сонирхол маш их байгааг харж болно. Судалгаанд оролцогчдын 80 орчим хувь нь суралцах, тэр дундаа 54 хувь нь гадаадад суралцах сонирхолтой байна. Найм. Бусад
Үүнд уншигч та дээрх дүнг хараад өөрийнхөө дүгнэлттэй эргэцүүлж харахыг зөвлөе.
Мэдээллийн технологийн инженерийн суурь шалгалт нэг их ач холбогдолгүй, эсвэл мэдээлэлгүй байгаа мэт сэтгэгдэл санал асуулгын дүнгээс харагдаж байна. Ердөө 6.4 хувь нь өгөх бололтой.
Мэргэжлээрээ ажиллахад гардаг гол бэрхшээл асуудал нь энэхүү судалгааны бүх асуултуудаас менежментийн хувьд хамгийн их анхаарал татсан асуудал юм. Ялангуяа санал асуулгад оролцогчдын 15 хувь нь удирдлага ойлгодоггүй, 15 хувь нь шинэ технологи ашиглах боломж хязгаарлагдмал, 9 хувь нь ур чадвараа илэрхийлэх боломжгүй, 10 хувь нь мэргэжлээрээ хөгжих боломж муу гэсэн хариулт өгснийг онцлон дурдъя. Цалин бага, зах зээл бага гэдэг бол мөнхийн асуудал. Бусад гэсэн хэсэгт боловсролын байгууллагууд, тэр тусмаа их дээд сургуулиуд маш муу ажиллаж байна гэсэн хариулт өгчээ. Дүгнэлт Энэхүү санал асуулгын дүнг хэсэгчилсэн байдлаар хэвлэл мэдээллийн хэрэгсэл, судалгааны ажилд ашиглаж болох ба хамгийн гол нь эх сурвалжаа (Миний компьютер/Digital World сэтгүүлийн редакц) заавал дурдах шаардлагатайг анхаарна уу. Судалгааг бүрэн хэмжээгээр нь нийтлэх болон энэ чиглэлээр хамтран ажиллах байгууллага, хувь хүнтэй манай редакц нээлттэй ажиллана. Манай редакци салбарын үйл ажиллагаатай холбоотой санал асуулга, судалгаа, статистикийн мэдээлэл боловсруулах зэргийг хамтран хэрэгжүүлэхэд байнга нээлттэй ажиллах болно.
Тэмдэглэж авах
И-мэйлээр илгээх
Үзсэн: 4275 Сэтгэгдлүүд (5)
...
Бичсэн Ýðàãîí, February 12, 2011
õýðýãöýýòýé ìýäýýëýë îðóóëñàí áàÿðëàëàà. Áè èðýõ ºâºë äýýä ñóðãóóëèà òºãñºí. òýðíèé äàðààãàà𠺺ðèéí ñîíèðõîæ áàéãàà ÷èãëýë áîëîõ ïðîãðàì õàíãàìæ ãðàôèê äèçàéíû ÷èãëýëýýð ñóðàõààð òºëºâëºæ áàéãàà. Ãýõäýý ìîíãîëä áîãèíî õóãàöààí ÷àíàðòàé áîëîâñðîë îëãîäîã òèéì ãàçàðûí òàëààð òîäîðõîé ìýäýýëýë àëãà. Ýíý òàëààð ìýäýýëýë îëæ ºã÷ òóñëàà÷.
...
Бичсэн ha ha, September 11, 2010
baahan joomlachin garuud oorsdiigoo program bichdeg geed oilgotson yum shig bna ha ha
...
Бичсэн jagaanet, March 19, 2010
Сайн байцгаана уу. Би МУИС-ийн МКС-ийн ПХ-ын ангид сурдаг оюутан байна. Энэ маш хэрэгэй судалгаа байна. Төгсөөд програм хангамжийн мэргэжлээрээ ажиллах бодолтой байна. Монголд програмын инженерээр ажиллах хүмүүст бодит практик дээр ямар ямар програмуудыг илүү түлхүү сурах хэрэгтэй байдаг, мөн тэдгээрийн хэрэглээний талаар зөвлөгөө өгч тус болооч. Энэ талаар мэдээлэл олон оюутнуудад одооноос өөрсдийгөө бэлтгэж хөгжүүлж эхлэхэд нь чухал мэдээлэл болох байх.
...
Бичсэн Чулуунболд, February 03, 2010
Маш сайхан судалгаа байна. Нээрээ л өөрийгөө хаана байгааг мэдлээ. Тэгээд бас нэг санал бол одоогийн бэрхшээл, шийдэх арга зам, удирдлагын одоогийн мэдлэг чадварыг сайжруулах, яаж мэдээллийн технологи гэдэг чинь зайлшгүй болоод байгааг ойлгуулах судалгаанууд байвал их хэрэг байна.
|
Сэтгэгдэл оруулах нүдийг харуулах/нуух
