Microsoft Visio танилцуулга И-мэйл
Хэрэглэгчийн үнэлгээ: / 33
МууМаш сайн 
Хичээл - Программ хангамж
Бичсэн Алтансүх   
2009 оны 5-р сарын 07, Пүрэв гариг, 22:40
01_visio_logoMicrosoft Visio програм нь Microsoft Office багцад багтдаг бөгөөд төрөл бүрийн схем, диаграм, зохион байгуулалтын бүтцийн мод, барилга байгууламжийн тойм зураглал зэргийг хялбархнаар мэргэжлийн өндөр түвшинд бүтээх боломжийг олгодог програм юм. Ингээд энэхүү програмыг товч танилцуулъя.

1990 онд байгуулагдсан Axon корпораци нь хожмоо Visio корпораци болон өргөжин ажилласан бөгөөд Visio 2000 програмыг зах зээлд гарган олны сонирхлыг татжээ. Visio нь аливаа зураг, дүрслэлийг вектор хэлбэрээр бүтээхэд зориулагдсан бөгөөд вектор дүрслэлийн давуу тал нь аливаа дүрсийг математикийн томъёонд оруулан тоогоор "дүрсэлдэг" бөгөөд ингэснээрээ тухайн зургийг хэд дахин томруулснаас хамааран чанар нь буурдаггүй, тод сайхан хэвээр байдаг байна. 2000 онд Microsoft корпораци нь Visio-г худалдан авч цаашид хөгжүүлснээр одоо түгээмэл хэрэглэгддэж байгаа Microsoft Visio 2003 болон Microsoft Visio 2007 хувилбарууд гарсан билээ.

Microsoft Visio ашиглан та дараахи зүйлсийг хийх боломжтой. Үүнд:
  • 02_visio_featuresДиаграм. Онолын ойлголтууд, системийн бүдүүвчлэл, шат дарааллыг дүрслэн үзүүлэх гэх мэтээр олон төрлийн диаграм дүрслэлүүдийг хялбар зурах
  • Бизнесийн процесс. Аливаа бизнесийн шатлалууд, шийдвэр гаргах дараалал, урсгалын бүдүүвч, албан дараалал, цаг хугацаа болон үйл ажиллагааны шат дарааллыг зураглан үзүүлэх
  • Харьцуулсан график хүснэгтүүд. Он оноор харьцуулсан графикийг төрөл бүрийн хэлбэрээр, тэнхлэг тус бүрт нарийн тохиргоотойгоор байгуулах
  • Маркетингийн төлөвлөлт. Бүтээгдэхүүнийн багц, сурталчилгааны хугацаа цагийн хамаарал, үнийн бүтэц хийгээд зар сурталчилгааны шат дарааллыг цогцоор дүрслэх
  • Урсгал дүрслэл - Flowchart. Нарийн төвөгтэй бизнесийн процессийг шат дараалал, хоорондын уялдаа холбоотойгоор дүрслэх
  • Газрын зураг. Барилга байгууламжийн байршлын зураглал, зам талбайн дүрслэл, замын маршрутын бүдүүвч зураг, байршил эсвэл хэрхэн явж хүрэх газрын зургийг хүрээлэн байгаа орчны цэвэрхэн дүрстэйгээр зурах
  • Зохион байгуулалтын бүтэц. Аливаа байгууллагын зохион байгуулалтын бүтэц, бүдүүвчийг албан тушаал, ажил үүрэг, салбар хэлтэс хийгээд үүрэг чиглэлийн уялдаа холбоог тод томруун харуулан зурах
  • Төслийн төлөвлөлт. Аливаа төслийн төлөвлөлт, хэрэгжүүлэлт, биелэлтийг хуанли, тайлангийн маягт, үр дүнгийн хүснэгт зэрэгтэй иж бүрнээр нь дүрслэх
  • Барилгын инженер зураглал. Аливаа барилгын зургийг давхар тус бүрээр, тухайн хэсгийн барилгын материал, бүтэц, сантехникийн байгууламж, дотоод тохижилт, цахилгааны холболт, компьютерын сүлжээний зураглал зэргийг маш нарийвчлалтайгаар зурах
  • Мэдээллийн бааз. Мэдээллийн бааз, түүний хүснэгтүүдийн уялдаа холбоо, харилцан хамаарал зэргийг нарийн гаргасан бүдүүвчийг зурж болох бөгөөд Microsoft SQL Server, Microsoft Access, Oracle, IBM DB2 зэрэг олон төрлийн мэдээллийн баазыг уншиж автоматаар бүдүүвчийг нь үүсгэх
  • Сүлжээний зураглал. Дотоод сүлжээ, өргөн хүрээний сүлжээ зэргийг хялбар зурах ба сүлжээний төрөл бүрийн төхөөрөмжүүдийн зураглалыг багтаасан сүлжээний схем зураглалыг бүтээх
  • Програм хангамж. Програмыг төлөвлөх, гүйцэтгэх, хянах шатанд хэрэглэж болох модулиудын харилцан хамаарал, функциудын байрлал болон логик нөхцлүүдийг бүрэн багтаасан зураглалаар алгоритм буюу шаталсан алхмуудыг дүрслэх
  • Вэбсайтны диаграм. Вэбсайт, түүний бүрэлдэхүүн хэсгүүдийн холбоосууд, харилцан хамаарлыг дүрслэх үзүүлэх гэх мэт болно.
Та энгийн бүдүүвч зураглал бүтээхийн тулд эхлээд өөрийн хийх гэж байгаа зүйлтэй холбоотой загварын (template) хэсгийг сонгон тэнд бэлэн байгаа дүрснүүдээс сонгон оруулна.
03_visio_templates

Эхлээд эхний дүрсээ сонгож оруулна.
04_creation0104_creation02
Дараагийн дүрс сонгоод хулганаар чирч эхний дүрсний дээр авчрах ба хулганаа дарсан чигээрээ байлгана.
Ингэхэд эхний дүрсний 4 талд цэнхэр сум гарах бөгөөд аль талд байрлуулан холбохоо сонгох ёстой. Хулганаа дарсан чигтээ хүссэн чигтээ чирч аваачихад эхний болон дараагийн дүрс нь автоматаар холбогдоно.
04_creation0304_creation04
Ийм байдлаар хоорондоо холбогдох ёстой дүрсүүдийг давхцуулах дарах байдлаар, хоорондоо холбогдохгүй гэвэл шууд байх ёстой газар нь чирч тавих хэлбэрээр дуртай дүрснүүдээ оруулж болно.

Аль нэгэн дүрсэнд текст бичихийг хүсвэл тухайн дүрс дээрээ хулганаараа 2 дарахад текст бичих заагч гарах ба бичиж дууссан бол бүдүүвчийн хоосон хэсэгт дарна.
05_add_text

Таны сонгосон загвараас шалтгаалан харилцан адилгүй дүрснүүд гарах учир яг ямархуу бүдүүвч, схем, диаграм зурахаа анх эхлэхдээ зөв сонгох хэрэгтэй.

06_add_icons

Microsoft Visio дээр аливаа дүрс, зураглал, тэмдэглэгээ нь дараахи 3 янзын үйлдлийн хэсгүүдтэй.

07_action_handles
1. Эргүүлэх "бариул"
2. Автоматаар холбох цэнхэр заалтууд
3. Томруулах, жижигрүүлэх хэмжээний хэсэг.

Та хэрвээ тухайн өгөгдсөн загвартай холбоотой дүрснүүдээс гадна өөр төрлийн дүрснүүдийг нээж оруулахыг хүсвэл File > Shapes цэснээс сонирхсон төрлөөсөө сонгон нээх боломжтой.

08_shapes

График, харьцуулсан график, хүснэгт үүсгэхийг хүсвэл төрөл бүрийн загварууд бэлэн байх бөгөөд та өгөгдлөө Microsoft Excel, Microsoft Access гэх мэт бусад програмаас авах боломжтой юм.

09_graphs

Template буюу бэлэн загварууд нь Microsoft Visio-г нээхэд гарах Getting Started цонхноос Categories буюу Бүлгийг сонгосноор гарч ирнэ. Эдгээр нь төрөл бүрийн бүдүүвчүүдийг багтаадаг бөгөөд Standard хувилбар нь 25, Professional хувилбар нь 64 төрлийн бэлэн загвартай ирдэг.

10_templates

Та бүхэнд энэхүү програмыг ашиглан өөрийн хүссэн зураглалыг сайхан хийж сурна гэдэгт итгэж байна. Амжилт хүсье.

Сэтгэгдлүүд (6)Add Comment
...
Бичсэн akok, January 26, 2012
hi! nadaa visiogin install ni heregtei bolj bna olj ugch tuslana uu?
...
Бичсэн khongor, December 12, 2011
nad rruu bas yvulach beg for you
...
Бичсэн Daddy, June 23, 2011
Энэ программыг яаж олох вэ?

хичээл зэрэгийг олох хэрэгтэй байна.
...
Бичсэн uugii, May 10, 2011
nadad bvren eheer n heregtei bna bwal ogooch
...
Бичсэн Nasaa, March 17, 2011
hi omend.nadad visiogiin tuhai hicheel heregtei bna minii mail haygr yy send tus bolooch .buren bval mash bayrlana shuu.
...
Бичсэн geegee, May 27, 2010
hey nadad visio giin tyhai hicheel heregtei bn aa minii mail hayagryy yabyylj ogch tyslaach .bvren eheeree baibal sain shvv .esbel bvren eheer n haanaas tataj abch cyrch boloh talaar nadad helj ogch tyslaach ,please
Сэтгэгдэл бичих
feedСэтгэгдэл оруулах нүдийг харуулах/нуух

busy